هدرة ناس بكري تاع جدودنا
دير روحك مهبول تشبع كسور
ماشي كل اللي يلمع ذهب و ماشي كل خضر حشيش
كبرت النمالة ولات تحوس في الزبالة (حاشاكم)
الواد ماديه وهو يقول ماحلى البرودة
قهوة وقارو خير من السلطان في دارو
مهما كبرت العين الحاجب ديما فوقها
جيب ولدك مليح لي والا يبوسو
يتعلم الحجامة في راس اليتامة
القط يعلم بوه ينط
ولد الفار يطلع حفار
ادا شفت الطويل يجري اعرف او القصير ديما وراه
حشيشة طالبة المعيشة
سكران ويعرف باب دارو
كبرت القطة ولبست كرافاطا
ماخاص العمشة غير الكحل وماخاص القرد غير الورد
الحمار عطاوه القرنفل يشمو كلاه
ما خص الفرطاس غير حكان الراس
العود اللي تحقرو يعورك
..
كسكسلو يرجع لأصلو
..
اللي حي قسمو حي
..
انسى الهم ينساك
..
الزهر يكسر لحجر
الي فاتو الحديث يقول سمعت و الي فاتو الطعام يقول شبعت
..
الي دارها بيديه يحلها بسنيه
الحديث معايا و المعنى على جارتي (ناس الوسط يقولوها بزاف)
..
البكى عند راس الميت (هذي يقولوها سيرتو في الشرق)
..
الي يبغي الشباح ما يقول آح (توجور ناس دزاير)
..
انا نحفرلو في قبر امو و هو هاربلي بالفاس (في الشرق)
دير كيما جارك ولا بدل باب دارك
كي كان حي مشتاق تمرو وكي مات جابولو عرجون
قلب البرمة على فمها تخرج الطفلة لأمها
حوحو يشكر روحو
الطريق بعينيها والغابة بوذنيها
قالو للعمية واش يخصك قالتلهم لكحل
زواج ليلة ودبارتو عام
زين زين لفعايل
ضربني و بكى وسبقني وشكى
اللي فاتك بليلة فاتك بحيلة
العروسة تشكرها امها ولا فمها
مال المشحاح ياكلوا مرتاح
لتكل على نسيبتو يبات بلا عشاء
راح الواد لقاه ناشف
قبل ما تشري دار أشري جار
فردة ولقات ختها
*اللي حبني مابنالي قصر..واللي كرهني مابنالي قبر*
*اللي باعك بالفول بيعو بقشورو*
*اللي يحبنا نحبوه..ونحطوه فوق الراس عمامة
واللي يكرهنا نكرهوه...حتى ليوم القيامة*
*لاعاد صاحبك عسل...ماتلحسوش الكل*
الي ليك ليك والي خاطيك يعييك
*دير الخير وانساه*
المندبة كبيرة و الميت فار
الدنيا بالوجوه ولاخرة بالفعايل
الجمعة يناير 08, 2016 9:05 pm من طرف 
